सल्यान जिप दुर्घटनामा मृत्यु हुनेको पहिचान खुल्यो

सल्यान, ८ असोज २०८० ।रोल्पाबाट दाङतर्फ आउँदै गरेको तरकारी बोकेको जिप दुर्घटनामा परेको छ । दुर्घटनामा परी दुई जनाको घटनास्थलमै मृत्यु भएको जिल्ला प्रहरी कार्यालय सल्यानले जनाएको छ ।

मृत्यु हुने दुवै जना दाङका रहेको जिल्ला प्रहरी कार्यालय सल्यानका सुचना अधिकारी गोपाल श्रेष्ठले जानकारी दिनुभयो ।दुर्घटनामा परी तुलसीपुर-१८ का २६ वर्षिय भक्त बहादुर घर्ती र ५० वर्षका गणेश बुढाको मृत्यु भएको प्रहरीले जनाएको छ । दुर्घटनामा परी एक जना गम्भिर घाइते भएका छन् ।दुर्घटनामा परी तुलसीपुर उपमहानगरपालिका वडा नम्बर २ का ३८ वर्षको

नारायण योगी घाइते हुनुभएको छ । उहाँलाई उपचारका लागि राप्ती प्रादेशिक अस्पतालमा उपचार भइरहेको छ ।उहाँका अनुसार रोल्पाबाट दाङ तर्फ तरकारी बोकी आउँदै गरेको रा १ च १०२५ नम्बरको सिंगल क्याप जिप सोमबार बिहान राप्ती राजमार्गको दाङ-सल्यान सडकखण्ड अन्तर्गत सल्यानको कपुरकोट गाउँपालिका ३ चोरखोला नजिक सेतापैरामा दुर्घटनामा परेको हो । जिप अनियन्त्रित भई सडकबाट करिब ३५० मिटर तल खसेको छ ।