काठ तस्वकरीको हब बन्यो दाङको धर्मशाला सामुदायिक बन-बनपाले पने मिल्या छन् हजुर स्थानीय

रमा बुढा मगर-======

तुलसीपुर ३२ साउन २०८०, दाङको एउटा सामुदायिक बन काठ तस्करीको हब बनेको कुरा स्थानीयले बताएका छन | यस्तो बन्नेमा दाङ तुलसीपुर उपमहानगरपालिका वडा नम्बर ३ स्थित धर्मशाला सामुदायिक बन उपभोक्ता समुह रहेको छ | उक्त सामुदायिक बन बाट साल जातको काठ बारम्बार तस्करी हुने गरेको कुरा बाहिर आई रहेका बेला सो ही सामुदायिक बनको

खण्ड{ घ } मा फेरी अर्को सालजातको रुख काटेर तस्करी हुनै लाग्दा स्थानीयले फेला पारे पछी यो कुरा बाहिर आएको हो |अत्ती भयो काट्या छन् बेच्या छन हामलाई टेर्दै टेर्दैनन नाम नबताउने शर्तमा एक स्थानीयले राप्ति पहिचान डटकम संग बताए| धर्मशाला सामुदायिक बनमा भई रहेको काठ चोरी निकासी बारे आज एक नागरिकको भूमिका निर्वाह गर्दै चोरी निकासीमा

संलग्न लाई कारवाही गरी पाउँ भनी तुलसीपुर सव-डिभिजन बन कार्यालयमा लिखित उजुरी दिएकी छु तुलसीपुर ३ निवासी मसिना गुरुङले हामी संगको कुराकानीमा बताईन | बनपाले पनी मिल्या छन् हजुर यो धन्दामा अर्का स्थानीयले मेरो नाम नछाप्दिनु होला है भन्दै नाम नबताउने शर्तमा हामी संग भने | बिशेष सुचनाको आधारमा साउन २९ गते धर्मशाला सामुदायिक

बनको पुर्व दक्षिण मोहडा भएको भूगोलमा झन्डै ५०/ ६० क्यु फिट जती काठको परिमाण भएको साल जातको रुख काटेर चिरान गर्दै गरेको अवश्थामा फेला परेको थियो |यस बिषयमा हामीले तुलसीपुर स्थित तुलसीपुर सव-डिभिजन बन कार्यालयका कार्यालय प्रमुख कमल पुन लाई साउन ३१ गते बिहान ७ बजेर ४० मिनेट जाँदा फोन सम्पर्क गरेर तुलसीपुर ३ को धर्मशाला

सामुदायिक बनमा अवैध रुपमा साल जातको रुख कटान गरी चिर्दै गरेको अवश्थामा फेला परेको छ यस बारे हजुर लाई केही थाहा छ की छैन भनी सोधनी गर्दा उनले आफुलाई यस बारे केही थाहा नभएको कुरा बताएका थिए | मलाई यस बारे केही थाहा छैन म स्टाफ लाई त्यहाँ पठाएर के भएको हो भनी जानकारी लिए पछी यस बारे केही भनुला भनेका थिए | त्यस पछी हामीले

धर्मशाला सामुदायिक बनका अध्यक्ष पूर्ण बहादुर परियार लाई फोन गरेर तपाई अध्यक्ष भएको सामुदायिक बनमा साल जातको रुख ढालेर चिर्दै गरेको अवश्थामा फेला परेको छ यो रुख कसले किन काटेको हो भनेर सोधनी गर्दा चोरी निकासी गर्ने मनसायले कसैले रुख काटीई चिरान गर्दै गरेको अवश्थामा हामीले फेला पारी काठ चिरान गरी घाट गद्दी गरेर राखेका हौँ भनेर

जवाफ दिए | सामुदायिक बनमा रुख चोरी कटानी भएमा पहिला सम्बंधित बन कार्यालय लाई जानकारी गराउनु भयोकी गराउनु भएन भनी सोधनी गर्दा हामीले बन कार्यालय लाई जानकारी गराएका छैनौ परियारले राप्ती पहिचान संग भने |तर बन ऐनमा सामुदायिक बनको कार्ययोजना बाहेक कसैले चोरी कटानी गर्दै गरेको अवश्थामा काठ वा रुख फेला परेमा पहिला सम्बन्धित

इलाका को बन कार्यालय लाई जानकारी गराई बन अधिकृतको रोहवरमा घटना मुचुल्का उठाई सके पछी मात्रै परिश्थिती अनुसार बिगो नष्ट हुने सम्भावना देखिएको खण्डमा मात्रै कटान मुछान चिरान गरी दशी प्रमाण बिगो लाई सुरक्षित गर्ने कानुनी ब्यबश्था रहेको छ | यसै बिषयमा हामीले फेरी साउन ३१ कै साँझ ५ बजेर ३३ मिनेट जाँदा फेरी तुलसीपुर सव-डिभिजन बन

कार्यालयका कार्यालय प्रमुख कमल पुन लाई फोन गरी धर्मशाला सामुदायिक बनमा अवैध रुख काट्ने मान्छे पक्राउ परेकी परेनन् भनेर सोध्दा कोही कसै लाई पक्राउ नगरेको कुरा बताए |तर बिहान ७ बजेर ४० मिनेट जाँदा मलाई रुख काटेको बारे केही थाहा छैन भनेका पुनले साँझ ५ बजेर ३३ मिनेट जाँदा राप्ती पहिचान संग कुरा गर्दा रुख चोरी निकासी हुँदै थियो भन्ने बारे

सामुदायिक बनले आफु लाई जानकारी गराएको थियो भनी भने पछी पुन का कुरा बांझिएका छन | यता सामुदायिक बनका अध्यक्ष परियार लाई दिउसो १२ बजेर ४६ मिनेट जाँदा फोन गरेर प्रतिक्रिया माग्दा चोरी निकासी हुन् लागेको रुखको बारेमा बन कार्यालय लाई कुनै पनी प्रकारको जानकारी नगराईएको कुरा बताई रहंदा घटना झन् रहस्यमय बन्न पुगेको छ | धर्मशाला सामुदायिक बन बाट अवैध काठ तस्करी हुने गर्छ भन्ने चर्चा चली रहंदा जवाफदेही निकायका प्रमुखको भनाई बाँझिदा सरकारी कर्मचारीकै मिलेमतोमा यस्तो कार्य हुने गरेको भन्ने चर्चा लाई बलियो बनाईदिएको छ |