पत्रेखोलाले बगाउँदा एक जना वेपत्ता

तुलसीपुर, २८ साउन २०८० । दाङमा पत्रे खोलाले बगाउँदा एक जना बेपत्ता भएका छन् । बेपत्ता हुनेमा घोराही उपमहानगरपालिका– ११ झमरे निवासी ६४ वर्षका तिलक राम बिक रहेको जिल्ला प्रहरी कार्यालय दाङका डिएसपी राजन गौतमले जानकारी दिनुभयो ।

 सधैँजसो खोलाको ढिकमा शौचालय गर्न जाने बिक अबेरसम्म घरमा नफर्किएपछि खोज्न जाँदा छाता, चस्मा र लठ्ठी मात्र भेटिएपछि खोलाले बगाएको भन्दै आफन्तले प्रहरीलाई खबर गरेका थिए । बिक बिहान ८ः३० बजे बेपत्ता भएको आफन्तले जनाएका छन् । बेपत्ता भएका बिकको खोजी कार्यका लागि प्रहरी परिचालन गरिएको छ ।