सुरु भयो उपमहानगरको जग्गा अतिक्रमण गरी बनाईएका अवैध घर भत्काउने काम

रमा बुढा मगर-======

तुलसीपुर २४ साउन २०८०, तुलसीपुर उपमहानगरपालिकाले आफ्नो नाममा दर्ता श्रेस्ता कायम भएको जग्गा अतिक्रमण गरी बनाइएका अवैध घर हरु भत्काउन सुरु गरेको छ | उपमहानगरपालिकाको मुख्य भवन संग सटेका ३ वटा घर हरु मध्ये २ वटा घर आज भत्काउन सुरु गरिएको हो भने एउटा घर घर धनी स्वयमले केही दिन अघी देखी आफै भत्काउन सुरु गरेका थिए | उपमहानगरका कार्यवाहक नगर प्रमुख तथा तुलसीपुर ३ का अध्यक्ष बिर बहादुर बि क,नगर प्रहरी,उपमहानगर कार्यालयका

इन्जिनियर पवन योगी,उपमहानगरका प्रवक्ता माधव वली लगायतको टोलीले उपमहानगरको नाममा दर्ता श्रेस्ता कायम भएको जग्गा अतिक्रमण गरी अवैधानिक रुपमा बनाइएका घर टहरा भत्काउन सुरु गरेको हो | अब सुरु भयो भत्काउने काम उपमहानगरपालिकाको नाममा दर्ता श्रेस्ता भएको जग्गा बाट अतिक्रमण र अवैधानिक घर टहरा हरु सबै हटछन् कार्यवाहक

नगर प्रमुख बिर बहादुर बि क ले राप्ती पहिचान संगको कुराकानीमा बताए | उपमहानगरको नाममा दर्ता श्रेस्ता रहेको तुलसीपुर बस पार्क क्षेत्र, मासु मार्कीट,आलुमण्डी,न्यु रोड र बस पार्क देखी दक्षिण तर्फ रहेको उपमहानगरको झन्डै ५ बिगाह जग्गा अतिक्रमण गरी आलिशान बंगला बनाएर बसेका छन ती बंगला हरु भत्काइन्छ की भत्काईदैन? भन्ने हाम्रो प्रश्नमा अब कब्जा

जग्गा भन्ने कुरा रहन्नन्, उपमहानगरको सम्पूर्ण जग्गा उपमहानगरको स्वामित्वमा ल्याईन्छ कार्यवाहक नगर प्रमुख बि क ले हामी संग भने |यस्तै उपमहानगरका प्रवक्ता माधव वली लाई उपमहानगरको जग्गा अतिक्रमण गरी बनाईएका बिल्डिंग भत्काउने डोजर बस पार्क क्षेत्रको आलु मण्डी,न्यु रोड, ट्रेकटर ब्यबशायी समितिको कार्यालय, मासु मार्कीट आसपास का

आलिशान बंगला भत्काउन कहिले जान्छ? जान्छ की जाँदैन? त्यस ठाउँमा घर भत्काउने डोजर कहिले देख्न पाईन्छ भनी प्रश्न गर्दा अब अतिक्रमण हटाउने काम सुरु भई सक्यो र छिट्टै देख्न पाउनु हुने छ भन्ने जवाफ फर्काए | विगत लामो समय देखी उपमहानगरको जग्गा अतिक्रमणको चपेटामा परेको रहिछ हामी २०७४ सालमा निर्वाचित भएर आउँदा उपमहानगरको नाममा

दर्ता श्रेस्ता भएका सबै जग्गा अतिक्रमणमा परी सकेको थियो यो मेरो दोस्रो कार्यकाल हो यो कार्यकाल मा उपमहानगरको जग्गा बाट अतिक्रमण हटाएरै छाड्छौं वली ले राप्ति पहिचान संग भने |