मोटर साइकलले ठक्कर दिंदा खत्री गम्भीर घाईते

रमा बुढा मगर -====

तुलसीपुर १७ ज्येष्ठ २०८०, दाङको तुलसीपुर ९ दोघरेमा मोटरसाईकलले पैदलयात्री लाई ठक्कर दिंदा एक जना गम्भीर घाईते भएका छन् | घाईते हुनेमा तुलसीपुर ९ का ६६ वर्षीय झुपलाल खत्री रहेको ईलाका प्रहरी कार्यालय तुलसीपुर का प्रहरी निरीक्षक नवराज के सी ले राप्ती पहिचान लाई बताए | दोघरे स्थित तुलसीपुर उपमहानगरपालिका को ९ नम्बर कार्यालय बाट आफ्नो घर

जाने क्रममा खत्री लाई मोटर साईकल ले ठक्कर दिएको हो भने खत्री तुलसीपुर ९ का निर्वाचित वडा सदस्य हुन् |मोटरसाईकल ठक्कर बाट खत्रीको टाउकोमा गम्भीर चोट लागेको छ भने दाहिने खुट्टा र छातीमा समेत चोट लागेको छ | दुर्घटना पछी खत्री हाल अर्धचेतमा रहेका छन | रा ३ प् ५७४१ नम्बरको मोटर साईकलले खत्री लाई बाटोमा हिंडी रहेका बेला एक्कासी ठक्कर

दिएको थियो | ठक्कर दिने मोटरसाईकल र चालक शान्तिनगर गाउँपालिका वडा नम्बर ४ एकली का २४ वर्षीय टेकन भण्डारी लाई प्रहरीले नियन्त्रणमा लिएर आवश्यक अनुसन्धान गरी रहेको छ | दुर्घटना पछी घाईते भएका खत्री लाई राप्ती प्रादेशिक अस्पताल तुलसीपुरमा प्राथमिक उपचार पछी थप उपचारका लागी नेपालगंज रिफर गरी पठाइएको छ |