रोल्पाको सरकारी स्कुटी दाङमा तोरी बोक्ने काम गर्दै

रमा बुढा मगर -=====

दाङ १० चैत २०७९,सेतो सरकारी नम्बर प्लेट छ कार्यालय समयमा खेत बारी बाट तोरी छिनेर बोकेर सडकमा गुड्दै छ | सामाजिक संजालमा राजनराज न्यौपानेको फेशबुकमा यस्तो फोटो देखे पछी राप्ति पहिचान डटकमले यस बारे बुझ्न यातायात कार्यालय तुलसीपुरमा फोन गरी रा १ ब ९६३ नम्बरको सरकारी स्कुटी कुन कहाँको सरकारी कार्यालय को हो भनी सोधनी गर्दा उक्त स्कुटी परिवर्तन गाउपालिका कार्यालयको भएको कुरा पता लाग्छ |अभिलेख हेर्दा रा १ ब ९६३ नम्बर को स्कुटी रोल्पा

जिल्ला परिवर्तन गाउपालिका कार्यालयको नाममा रहेको छ यातायात ब्यबश्था कार्यालय तुलसीपुर का लेखा प्रमुख उत्तम डाँगीले राप्ती पहिचान डटकम लाइ बताए |यस बिषयमा रोल्पा परिवर्तन गाउपालिका का प्रमुख प्रशासकीय अधिकृत प्रेम जी एम संग प्रतिक्रिया माग्दा आफु भर्खर सरुवा भएर यहाँ आएकाले सबै कुरा थाहा नभएको जवाफ दिए |त्यस पछी गाउपालिका कार्यालयको जिन्सी शाखा प्रमुख ललित कुमार बुढा मगर लाइ रा १ ब ९६३ नम्बरको स्कुटी त्यस गाउपालिका कार्यालयको कुन

शाखाका कुन कर्मचारीले प्रयोग गरी रहनु भएको छ भनी सोध्दा उक्त स्कुटर शिक्षा शाखा का लागी भनी दिइएको,यो भन्दा अघी शिक्षा शाखा प्रमुख चित्रा बस्नेत चढ्ने गर्नु हुन्थ्यो वहाँ सरुवा भएर गए पछी त्यो स्कुटी बिग्रिएर मर्मतका लागी दाङको घोराही पठाएका छौं भन्ने जवाफ फर्काए| दाङ मा कसको जिम्मा मा पठाइएको हो र कती समय भयो भनी प्रश्न गर्दा स्कुटी बिग्रीए पछी मर्मत गर्न र मर्मत भए पछी लिउन आउने र लैजाने गरी करिब १ महिना अघी दाङ घोराही स्थित परिवर्तन

गाउपालिका का पुर्व-अध्यक्ष निमकान्त डाँगी सर को घरमा पठाइएको हो बुढा ले अगाडी भने | पुर्व गाउपालिका अध्यक्षको घरमा रहेको रा १ ब ९६३ नम्बरको स्कुटी मर्मत भयो की भएन भनेर गाउपालिका ले चासो नदिए पनी उक्त स्कुटी ले दाङ मा खेत बारी बाट तोरी बोक्ने काम गरी रहेको पाइएको छ | सुक्रबार सामाजिक संजालमा भेटिएको फोटो लाइ पछ्याउदै जाँदा यो रहस्य खुलेको हो | पालिका हरुले कार्यसंचालन निर्देशिका बनाएर चारपांग्रे र दुइ पांग्रे सवारी साधन खरिद गरी कार्यालय र

जनताको काममा प्रयोग गर्दै आइ रहेका छन् | तर दाङमा सुक्रवार सामाजिक संजालमा भेटिएको फोटो मा देखिने स्कुटी कार्यालयको काम भन्दा पनी निजी काममा प्रयोग भएको पाइएको छ | उक्त स्कुटी कसले चलाई रहेको छ भनेर फोटोमा नखुले पनी स्कुटी माथी तोरी राखेर सडकमा गुड़ाइ रहेको र स्कुटीमा सरकारी नम्बर प्लेट प्रस्टै देखिएको छ | तपाइको गाउपालिका कार्यालय रोल्पा मा छ तर तपाइको गाउपालिका कार्यालयको स्कुटी दाङमा आएर तोरी बोक्दै रहिछ यस्तो किन भयो भनेर

गाउपालिका अध्यक्ष सुक बहादुर बुढा मगर लाइ सोधनी गर्दा के भएको हो म बुझेर भनुला भनेर पन्छिने काम गरे | जे होस सरकारी कार्यालयका सवारी साधन यसरी दुरुपयोग हुनुमा जिम्मेवार ब्यक्ती संग रोल्पाली जनताले जवाफ माग्नु पर्ने देखिन्छ |