मोटर साइकल को बाट दुइ जना पैदल यात्री घाइते |

तुलसीपुर,२७ माघ । तुलसीपुरमा मोटरसाइकलले पैदलयात्रीलाई ठक्कर दिँदा दुई जना घाइते भएका छन् । घाइते हुनेमा तुलसीपुर उपमहानगरपालिका – १७ निवासी १३ वर्षिय रितु केसी र तुलसीपुर उपमहानगरपालिका – १६ निवासी १३ वर्षिय बिन्दु वली रहेका छन् । बिहीबार साढे ६ बजेतिर तुलसीपुर उपमहानगरपालिका–१७ मानपुरस्थित मानपुरबाट लालपुर तर्फ जाँदै गरेको रा ४ प ९९६५ नम्बरको मोटरसाइकलले पैदलयात्रीलाई ठक्कर दिँदा दुई जना घाइते भएको इलाका प्रहरी कार्यालय तुलसीपुरका प्रवक्ता पर्वत केसीले जानकारी दिनुभयो ।

मोटरसाइकल र चालकलाई नियन्त्रणमा लिइ थप अनुसन्धान भैरहेको प्रहरीले जनाएको छ । रितु केसीको सामान्य उपचार पछि डिस्र्चाज भएको छ भने बिन्दुको राप्ती प्रादेशिक अस्पतालमा सामान्य उपचारपछि साहारा पोलिक्लिनिक तुलसीपुरमा रिफर गरिएको  प्रहरीले बताएको छ ।