काम नहेरी ठेकेदार र निर्माण समिति हरुलाइ भुक्तानी दिदैनौ-उपमेयर स्यानी चौधरी |

रमा बुढा मगर-====

तुलसीपुर १८ पुस २०७९, तुलसीपुर उपमहानगरपालिकाले भौतिक बिकासमा बिनियोजन गरेको बजेट बाट निर्माण हुने काममा पारदर्शिता ल्याउन कडाइ गर्न थालेको छ | योजना अनुगमन का संयोजक तथा उपमहानगर का उपमेयर स्यानी चौधरीले यस्तो खुलासा गरेकी हुन् | तुलसीपुर उपमहानगरपालिका वडा नम्वर १२ मा निर्माण सम्पन्न भएका थारुगाउ बाटो कालोपत्रे र सो ही

वडाको टरीगाउ चोक देखी पुकार पसाल जाने बाटो र टरिगाउ चोक देखी अमिलिया तुलसीपुर राप्ति राजमार्ग जोड्ने सडक को कालोपत्रे गर्ने काम अनुगमन निरीक्षण गर्ने क्रममा उनले यस्तो बताएकी हुन् | काम हेर्ने हो,कामको गुणस्तर हेर्ने हो जहाँ काम भएको छ त्यहाँका जनतालाई ठेकेदार वा निर्माण समितिले काम राम्रो गरे नगरेको बारेमा सोध्ने हो त्यस पछी मात्रै भुक्तानीका

लागी सिफारिस गर्ने हो चौधरीले राप्ति पहिचान संग भनिन | तपाइँ पत्रकार हरुलाई यो वर्ष निर्माण भएका सबै कालोपत्रे बाटा हरु देखाउछु,फोटो खिचेर राख्नुस एक वर्ष भित्र ती बाटा हरुमा गरिएको कालोपत्रे उक्कियो भने क्यामेरा र कलम चलाएर उपमहानगर लाइ सहयोग पुरर्याउनुस चौधरीले अगाडी भनिन |तुलसीपुर १२ को थारुगाउ कालोपत्रे अनुगमन गर्दै गर्दा

डगर म ठिक काम हुइल कि नाइँ भनेर थारु जातिका स्थानीय हरुलाइ सोधेकी थिइन् |स्थानीय ले काम ठिक हुइल भने पछी मात्रै उनले निर्माण सम्पन्न भएको फाइलमा हस्ताक्षर गरेकी थिइन् | आज मात्र ५ बढी योजना हरु अनुगमन भएर रकम भुक्तानीका लागी सिफारिस भएको छ | अनुगमन कार्यमा पत्रकार जनाप्रतिनिधी तथा स्थानीय हरुको सहभागिता रहेको थियो |