तुलसीपुर उपमहानगरका एम्बुलेन्स चालक हरुले ५ महिना सम्म तलब पाएनन् |

रमा बुढा मगर -=====

तुलसीपुर १४ मङ्सिर २०७९,तपाइ हाम्रो घरमा कोइ सिकिस्त बिरामी हुँदा बित्तिकै तपाइँ हाम्रो जेहेनमा सब भन्दा पहिला बिरामी लाइ अस्पताल लैजाने निर्णय हुन्छ भने अस्पताल सम्म लैजान एम्बुलेन्सको खोजी हुन् थाल्छ | रातीको १२ बजोस या १ बजोस हेलो एम्बुलेन्स भन्दा फोन उठाउने र तपाइँ हाम्रा घर सम्म आइ पुग्ने एम्बुलेन्स ड्राइभर हरुनै हुन् |इनै एम्बुलेन्स चालक हरुले विगत ५ महिना देखी तलब नपाएको कुरा बाहिर आएको छ | यसरी तलब नपाउने एम्बुलेन्स चालक हरु अरु कोइ नभएर तपाइँ हाम्रो गाउँ सम्म आइ पुगेको सिंह दरबार तुलसीपुर उपमहानगरपालिका द्वारा संचालित एम्बुलेन्सका चालक हरु हुन् |

तुलसीपुर उपमहानगरपालिका को वडा नम्वर १ वडा नम्वर ४ वडा नम्वर ८ वडा नम्वर ११ वडा नम्वर १३ वडा नम्वर १५ वडा नम्वर १७ र वडा नम्वर १९ मा गरी ८ वटा एम्बुलेन्स रहेका छन् |जस मध्ये वडा नम्वर ४,,८,,११,,१५,,१७ वडामा संचालित एम्बुलेन्स चालक हरु दैनिक ज्यालादारीमा नियुक्त गरिएका छन् भने वडा नम्वर १,१३ र १९ नम्वर वडाका एम्बुलेन्स चालक हरु लाइ करार सेवामा नियुक्त गरी राखिएको छ | ज्यालादारी वा करार सेवामा राखिएका ८ जना एम्बुलेन्स चालक हरुको मासिक

तलब १५ हजारका दरले दिने गरी राखिएको रहिछ उपमहानगरका एक अधिकृतले नाम नबताउने शर्तमा राप्ती पहिचान संगको कुराकानीमा बताउछन् | तलब माग्न जाँदा उपमहानगरको खातामा पैसा नभएको कारण तलब दिन नसकिएको हो,पैसा जम्मा भयो भने तलब दिन्छौं भनेर फ़र्काउछन् यसो भन्दा भन्दै ५ महिना बिती सक्यो एम्बुलेन्स चालक श्रवन पौडेल ले दबिएको आवाजमा हाम्रा समाचारदाता संग् भने | गएको साउन महिना देखी हाल सम्म पारिश्रमिक दिएनन दशैं तिहारमा ऋण काढेर

खर्च धानेको थिएँ अहिले त् साहुले पैसा फिर्ता गर्न दबाव दिन थाली सके यता काम गरेको ठाउँमा तलब दिन्नन अचम्म अप्ठेरो परेको छ पौडेल ले अगाडी भने |हामीलाई न रात आउछ न चाड पर्व नै आउछ सबै समय एम्बुलेन्स भित्रै बित्छ तलब समयमा दिए घर खर्च टार्न सजिलो हुने थियो, १७ नम्वर वडा कार्यालय का एम्बुलेन्स चालक किरण डाँगी ले दुख पोख्दै भने | उपमहानगरका अरु कर्मचारी ले तलब पाउदा हामीलाइ तलब दिएनन तर पनी एम्बुलेन्स छोडेको छैन डाँगी बताउछन |यस्तै

दुखेसो पोख्ने चालक मध्ये वडा नम्वर १ को एम्बुलेन्स चालक केशवराज कंडेल पनी रहेका छन्, तलब माग्न जाँदा उपमहानगरका हाकिम मोहन पौडेल ले तलब नपाको भए एम्बुलेन्स छोडदेउ समेत भनेको कुरा मलिन अनुहार लगाउदै हाम्रा समाचारदाता संग उनले भने| मलाई धेरै केइ भन्नु छैन ५ महिना पुग्न थाल्यो तलब नपाएको, दिन्छौं भन्छन तर दिन सकेका छैनन् के कारण हाम्रो तलब रोकिएको हो थाहा पाउन पाए हुन्थ्यो वडा नम्वर ११ का एम्बुलेन्स चालक सुमित आचार्य ले अँध्यारो अनुहार संग

भने| नपुगेर मेहेनत मजदुरी गर्न आको हो, मजदुरीको पैसा समेत एउटा स्थानीय सरकार ले भुक्तान गर्न नसक्नु आफै पनी लाजमर्दो कुरा हो आचार्य ले अगाडी भने | यता एम्बुलेन्स चालक हरुले तलब किन पाएनन् भनेर तुलसीपुर उपमहानागर स्वाश्थ्य शाखा का अधिकृत ओम पी न्यौपाने लाइ हाम्रा समाचारदाता ले सोधनी गर्दा २०७८ माघ ३ गते को उपमहानगरको कार्यपालिका बैठक ले एम्बुलेन्स चालक हरुले जुन वडाको एम्बुलेन्स चलाउदै आएका छन् तत् तत् वडा बाट तलब लिने गरी

निर्णय गरेकाले एम्बुलेन्स चालक हरु लाइ स्वाश्थ्य शाखा बाट तलब दिन कानुन वाधक बनेको कुरा बताउछन | एउटा कुरा त् हामी संग एम्बुलेन्स चालक हरुलाई तलब दिन बजेट छैन अर्को कुरा कार्यविधी नै वाधक बनेकाले यस्तो भएको हो न्यौपाने ले थपे | वडा बाटै तलब खुवाउनु भनेर निर्णय भएको रहिछ तपाइँले एम्बुलेन्स चालक लाइ तलब किन दिनु भा छैन भन्ने हाम्रा समाचारदाता ले वडा नम्वर १७ का वडा अध्यक्ष थलराज पुरी लाइ प्रश्न गर्दा उपमहानगर ले कार्यविधी बनाएर वडा लाइ सम्पपूर्ण

जिम्मेवारी र अधिकार दिएर एम्बुलेन्स पठाएमा मात्र आफुले तलब खुवाउने कुरा बताए | एम्बुलेन्स चालक पनी हामीले नै राख्न पाउनु पर्छ, आय व्यय सबै वडा लाइ नै जिम्मा दिए मेरो वडाले एम्बुलेन्स राख्न र चलाउन सक्छ तर यहाँ त्यसो नभई आफ्ना मान्छे चालक राखेर हामी लाइ तलब ख्वा भनेर निर्णय गरियो निर्णय गर्दा प्रयाप्त छलफल समेत गरिएन त्यही कारण यस्तो समस्या आएको हो पुरी ले अगाडी भने | एम्बुलेन्स संचालन तथा ब्यबश्थापन कार्य विधी बनेको छ, त्यही अनुसार वडाले तलब

खुवाउने गरी तय भएको सुनेको छु सबै कुरा आफु लाइ थाहा नभएको कुरा वडा नम्वर ८ का वडा अध्यक्ष धर्म वली ले राप्ति पहिचान संग भने | हरेक नागरिक सम्म सहज स्वाश्थ्य सेवा पुर्र्याउनु सरकारको दायित्व र कर्तब्य हो भने नेपालको संबिधान २०७२ ले पनी त्यसको सुनुश्चित्ता गरी सकेको परिप्रेक्षमा नागरिक लाइ स्वाश्थ्य सेवामा सहज पहुँच पुर्र्याउन मुख्य भूमिकामा

रहेको एम्बुलेन्स संचालन कार्य लाइ तुलसीपुर उपमहानगरपालिकाले उचित ब्यबश्थापन गर्न नसक्दा नागरिकको दाम पैसा बाट खरिद गरिएका सवा करोड बराबर रकम खर्च गरेर तुलसीपुर उपमहानगरमा भित्र्याइएका टाटा कम्पनीको TATA SUMO एम्बुलेन्स हरु रद्दी भएर बस्ने र त्यसको दोष वर्तमानका मेयर टिकाराम खडका माथी जाने निश्चित जस्तै देखिएको छ |