दाङ क्षेत्र नम्वर २ मा गठवन्धनको पक्षमा जनउभार आइ सक्यो-पुर्व मंत्री शर्मा |

२०७९ कार्तिक २५ गते शुक्रवार

घाेराही । पूर्व मन्त्री एवम् नेकपा माओवादी केन्द्रकि स्थानीय समिति सदस्य रेखा शर्माले दाङ निवार्चन क्षेत्र नं मा गठबन्धनको पक्षमा जनलहर आएकाे बताउनुभएको छ ।

घाेराही उपमहानगरपालिका वडा नं ६ अगरामा आयाेजित कार्यक्रममा बाेल्दै शर्माले यहाँका सबै सचेत मतदाता प्रतिगमनका बिरूद्घ उभिसकिएकाे बताउनुभयाे । ‘मैले याे निर्वाचन क्षेत्रका २७ वटै वडामा पुगेर जनताकाे मनाेविज्ञान बुझेकाे छु,’ उहाँले भन्नुभयाे, ‘यहाँका जनताले आफूलाई सहजरूपमा भेट्न सक्ने र विकास निर्माणकाे नेतृत्व गर्ने नेता खाेजेका छन् शर्माले भनिन| ’उहाँले याे निर्वाचनमा आम मतदाताले संविधान रक्षा र लाेकतन्त्रकाे पक्षधर शक्तिलाई विजयी गराउने धारणा व्यक्त गर्नुभयाे अहिले केपी ओली, राजेन्द्र लिङ्गदेल, कमल थापाहरूकाे गठबन्धन पनि निर्माण भएकाे छ,’ शर्माले भन्नुभयाे, ‘काङ्ग्रेस,

माओवादी र एकीकृत समाजवादीकाे अगुवाइमा गणतन्त्र र संविधानकाे रक्षा गर्ने शक्तिहरूकाे गठबन्धन भएकाे छ ।’शर्माले यस क्षेत्रकाे विकासका लागि आफूहरूले विगत देखि नेै काम गरिरहेकाे उल्लेख गर्दै आगामी दिनमा थप पहल गर्ने प्रतिबद्धता व्यक्त गर्नुभयाे । उहाँले महिलाले पनि देश चलाउन सक्छन् भन्ने कुराकाे सन्देश दिनुपर्ने धारणा व्यक्त गर्नुभयाे ।समृद्ध र स्थायित्व आम जनताकाे चाहना भएकाले त्याे प्राप्तिका लागि गठबन्धनलाई मतदान गर्ने विश्वास गर्नुभयाे ।शर्माले एमालेका इमान्दार नेता कार्यकर्ताले पनि गठबन्धनलाई मतदान गर्ने बताउनुभएको छ ।

केपी ओली समूहकाे गुटले पार्टी कब्जा गरेपछि एमाले भित्रका पुराना, इमान्दार र लगनशील कार्यकर्ताहरूमाथि निषेध गर्न थालिएकाे उहाँकाे भनाई छ ।“अहिले एमाले भित्रका सच्चा नेता कार्यकर्ता पाखा लाग्ने र नवप्रवेशीहरूले अवसर पाउने सृजना भएकाे छ,” शर्माले भन्नुभयाे, “केपी गुटले चुनाव जितेकाे खण्डमा एमाले भित्रका इमान्दार नेता तथा कार्यकर्ताहरूलाई अझ धेरै पाखा लगाउने काम हुनेछ,आफ्नाे राजनीतिक भविष्यका लागि भए पनि उनीहरूले हामीलाई मतदान गर्ने छन् ।”

निर्वाचनमा एमालेले प्रत्यक्षमा ८/१० सिट भन्दा बढी जित हासिल गर्न नसक्ने उहाँले ठाेकुवा गर्नुभयाे । शर्माले दाङकाे समृद्धिका लागि गठबन्धनसँग स्पष्ट याेजना भएकाे समेत बताउनुभयाे ।