लोप हुन थालेको माटोको भाँडो बनाउने प्रचलन को संरक्षण गर्छौ- आले।

दाङ । लोप हुँदै गैरहेको माटोका भाँडा बनाउने पेशालाई बचाउन आवश्यक रहेको गढवा गाउँपालिका वडा नम्बर ६ का अध्यक्ष बिरबहादुर आले मगरले बताए । आइतबार गढवा ६ को कुमालटोलमा माटोको भाँडा पोल्ने आधुनिक भट्टा उद्घाटन गर्दै वडाध्यक्ष आलेले यस्तो बताए ।

अधुनिकिकरणले समय र स्रोत साधनको कम उपयोग हुने कम समयमा धेरै माटाका भाँडा निर्माण गर्न सहयोग पुग्ने भन्दै आगामी दिनमा यसलाई अझ व्यवस्थित बनाउन वडाले सहयोग गर्ने प्रतिबद्धता ब्यक्त गरे । पहिले भन्दा धेरै अधुनिकिकरण भएको तर पनि अझै अपुग रहेको भन्दै पुर्ण आधुनिकीकरण गर्न वडाले बिशेष पहल गर्ने र चाहिने सहयोग गर्ने बताए । माटो भाँडा निर्माणमा देखिएको मुख्य समस्या दाउरा र माटोको भएको भन्दै त्यसलाई सहज गर्न वडाले पुर्ण सहयोग गर्ने बताए ।

त्यसैगरी कार्यक्रममा बाल्दै कुमाल माटोको भाँडा बनाउने समूहकी कोषाध्यक्ष रमा चौधरीले प्लास्टिक सामानको प्रयोगले माटोको भाँडा प्रयोगमा कमि आएको भन्दै त्यसलाई नियन्त्रण गर्न आवश्यक रहेको बताइन् । कुमाल समुदायको पुख्र्याैली पेशाका रुपमा परिचित माटोका भाँडा बनाउने पेशा लोप हुँदै गएको छ । कुमाल समुदायमा कामदार र कच्चा पदार्थको अभावमा माटोका भाँडा बनाउने पेशा नै लोप हुँदै गएकोले यसलाई बचाउन आवश्यक रहेको भन्दै स्थानीय सरकारले सहयोग गर्न अनुरोध गरिन् ।

दुध दही र अन्य खानेकुरा माटोको प्रयोगले स्वास्थ्यको लागि राम्रो भएको भन्दै यसको प्रचारप्रसार का लागि सबैलाई अनुरोध समेत गरिन् । माटोका भाँडा बनाउने पेशाप्रति युवा पुस्ताको आकर्षण हुन नसक्नु तथा माटो, दाउरा, पराललगायतका कच्चा पदार्थको अभावमा कुमाल बस्तीमा माटोका भाँडा बनाउने पेशा नै संकटमा परेको कोषाध्यक्ष चौधरीले बताइन् ।

स्वच्छ व्यवसायी समूह नेपालको सहयोगमा ९० दिने माटोको भाँडा बनाउने तालिम सम्पन्न भएको जानकारी गराउँदै यसबाट माटोको भाँडाको मजबुती र सुन्दरतामा बृद्धि भएको जानकारी दिइन् । भाँडा बनाउने पेशाबाट नै कुमाल समुदाय नै जीविकोपार्जनको प्रमुख स्रोतका रुपमा माटाका भाँडा बनाउने र घर घरमा भाँडा बेच्नका लागि पुग्ने चलन रहेको थियो । पछिल्ला समयमा माटाका भाँडाप्रति उपभोक्ताको रुचि घट्दो र उत्पादन गर्ने कुमाल समुदाय यो पेशालाई अप्ठ्यारो पेशाका रुपमा लिन थालेपछि संकटमा परेको कुमाल माटोको भाँडा बनाउने समूहकी सदस्य सविता चौधरीले बताइन् ।

कार्यक्रममा वडा नम्बर ६ की वडासदस्य मानु कुमाल, सब वन डिभिजनका कार्यालय गढवाका प्रतिनिधि नविन पुन, स्वानका दाङ संयोजक रेमन्त चौधरी लगायतकाले बालेका थिए । सबिता चौधरीको.

स्वागत मन्तव्य बाट सुरु भएको कार्यक्रमको सञ्चालन स्वच्छ व्यवसायी संघ उद्धम बिकास सहजकर्ता राजेन्द्र चौधरीले गरेका थिए ।