तुलसीपुर,४ भदौ । बाँकेमा दुई छुट्टा छुट्टै घटनामा परी तीन जनाको मृत्यु भएको छ । मृत्यु हुनेमा नेपालगञ्ज उपमहानगरपालिका १७ ढोडेनी बस्ने २५ वर्षीय बब्लु कलवार,बाबु ४० वर्षीय परशुराम कलवार र जानकी गाउँपालिका ५ बस्ने मुङसीलाल
प्रवलको छोरा वर्ष ७ को संन्जु प्रवल रहेको जिल्ला प्रहरी कार्यालय बाँकेले जानकारी दिएको छ । शनिबार विहान ७ बजे अटो रिक्सा चार्ज गर्ने क्रममा छोरा बब्लुलाई करेन्ट लाग्दा बचाउन खोज्दा बाबु परशुराम र हजुर आमा रामराजिलाई करेन्ट लागेको थियो ।
बब्लुको घटना स्थलमै मृत्यु भएको थियो भने परशुरामको नेपाल नेपालगञ्ज मेडिकल कलेजमा उपचारका क्रममा मृत्यु भएको प्रहरीले बताएको छ । घाइते ८५ वर्षीया रामराजीको भने उपचारपछि अवस्था सुधार भएको प्रहरीको भनाई छ ।
त्यसैगरी शनिवार बिहान ५ बजे संन्जु प्रवलको घर नजिकै खाल्डोमा डुवेर मृत्यु भएको छ । मृतक तीनै जनाको शव पोष्टमार्टम पछि परिवारको जिम्मा लगाएको बाँके प्रहरीले जानकारी दिएको छ ।
©2023 Rapti Pahichan. All rights reserved.
