दाङ
३१ जेठ / लुम्बिनी प्रदेशका स्वास्थ्य राज्यमन्त्री विमला कुमारी खत्री(वली)लाई अनुसन्धानकालागि घोराही स्थित जिल्ला प्रहरी कार्यालय दाङ लगिएको छ । वाईसिएलका नेता एकराज बस्नेतकी श्रीमति मिना बस्नेत र छोरीलाई कुटपिट गरेको भन्दै ईलाका प्रहरी कार्यालय तुलसीपुरले नियन्त्रणमा लिएको थियो ।
विहान ९ बजेतिर नियन्त्रणमा लिएका उनलाई दिउसो १२ बजे तुलसीपुरबाट घोराही लगेको हो ।
जिल्ला प्रहरी कार्यालय दाङका प्रहरी उपरीक्षक शुरेस काफ्लेका अनुसार थप अनुसन्धानकालागि घोराही लगिएको हो । तुलसीपुर ५ बसपार्क स्थित घरमै गएर कुटपिट गरेको भन्ने सूचना पाएपछि प्रहरी त्यहाँ पुगेको थियो । कुटपिट भएको भन्दै आफन्त तथा समर्थकहरुले प्रहरी कार्यालयमा विरोध समेत जनाएका थिए ।
नेता बस्नेतसंगकेही समय अघि खिचेको एउटा सेल्फी भाइरल थियो । तर, अहिले बस्नेत सम्पर्क विहीन रहेका छन् ।
©2023 Rapti Pahichan. All rights reserved.
