अब कलम चिन्हले नै नेपालको कम्युनिस्ट आन्दोलन लाई एकीकृत आकार दिन्छ- भागवत बिश्वासी।

रमा बुढा मगर —====

तुलसीपुर पुस २५ गते २०७८, नेपाल कम्युनिस्ट पार्टी एकीकृत समाजवादी का सचिव भागवत विश्वासी ले एकीकृत समाजवादी पार्टीको कलम चिन्हले २००६ सालमा जन्मेर नेपाल भरी छितरिएर रहेको कम्युनिस्ट आन्दोलन लाई एकीकृत आकार दिने कुरा बताएका छन्। एकीकृत समाजवादी पार्टीको युवा संगठन युवा संघ नेपाल ले तुलसीपुरमा आयोजना गरेको जिल्ला स्तरीय कार्यक्रम लाई सम्बोधन गर्दै उनले यस्तो बताएका हुन्।

उनले एक अर्को प्रसङ्गमा अब के पी वली बाँचुन्जेल कहिल्यै पनि प्रधानमन्त्री बन्न नसक्ने कुरा बताए। के पी वली ले जनमत गुमाई सकेकाले अब उनलाई जनता ले कहिल्यै प्रधानमन्त्री नबनाउने कुरा उनले बताए। उनले एक अर्को प्रसङ्गमा नेपालको कम्युनिस्ट आन्दोलन के पी वली जस्ताको हातमा नेतृत्व जानाले धूमिल जस्तै भएको छ अब यसलाई कलम चिन्हले सफा गरेर सुन्दर बनाएर सच्चा,देशभक्त,वर्गीय रक्षक नेपाली कम्युनिस्ट आन्दोलन बनाएर जनताको घर घर सम्म पुर्‍याउने अभियान नेकपा एकिकृत समाजवादी पार्टिले थालनी गरि सकेका ले अब आउने चुनावमा के पि वलिको पार्टी नेकपा एमाले ले देशै भर एक सिट पनि नजित्ने कुरा बताए।