गढवा गा पा मा विकास खर्च भन्दा झन्डै १४ करोड बढी रकम सेवा सुविधा मा खर्च, ४ करोड बढी ऋण।

रमा बुढा मगर-====

दाङ्ग भदौ ७/२०७८, दाङ को गढवा गाउपालिकामा बिकास खर्च भन्दा सेवा सुविधामा १३ करोड ६५ लाख ७९ हजार १३८ रुपैयाँ बढी रकम खर्च भएको पाइएको छ। गाउँ गाउँको सिंहदरवार वा बिकासे अड्डा वा स्थानिय सरकारको रुपमा स्थापित दाङ्गका अन्य गाउपालिका भन्दा गढवा गाउपलिकामा सेवा सुविधा खर्च सबै भन्दा बढी भएको देखिएको छ।

आ व २०७७/०७८ मा बिकास निर्माण तर्फ २१ करोड ४५ लाख ५० हजार ६४ रुपैयाँ मात्रै खर्च गरेको गढवा गाउपालिका ले सेवा सुविधा तर्फ ३५ करोड ११ लाख २९ हजार २०२ रुपैयाँ खर्च गरेर बिकास खर्च भन्दा सेवा सुविधा तर्फ १३ करोड ६५ लाख ७९ हजार १३८ रुपैयाँ बढी रकम खर्च गरेको छ। यति धेरै रकम सेवा सुविधामा

कसरी खर्च भयो? भन्ने हाम्रो प्रश्नमा गाउपालिका का अध्यक्ष सहजराम अहिर ले केही बताउन चाहेनन। उनले भने मलाइ केही थाहा छैन। गाउपालिका का अध्यक्ष ले केही थाहा नभएको बताइ रहंदा गाउपालिका को मिती २०७८ श्रावण २८ गते च नं २७६ खुलाइ राप्ती पहिचान डटकम लाई उपल्ब्ध गराएको सुचनामा बिकास खर्च भन्दा सेवा सुविधा मा बढी रकम खर्च भएको खुलेको हो।

जनता लाई गाउँ गाउँ बाटै बिकास निर्माण गरि दिने हेतुले नेपालको संविधान २०७२ ले स्थानिय सरकार गठन तथा संचालन अधिकार प्रदान गरी स्थानिय सरकारको रुपमा स्थापित भएको गाउपालिका को सबै भन्दा बिकट वडा वडा नं ८ को मोतिनाका र

भौरीसालका जनताले अझै सम्म मोटर बाटो देख्न पाएका छैन भने भौरीसाल, मोतिनाका र वडा नं २ को सिमसिमे वडा नं ५ को कक्रहवा, जमुनीघाट र ठुलीचौर क्षेत्रमा मोबाइल नेटवर्क समेत उपल्ब्ध छैन।

यता २०७७ सालमा बिकास खर्च भन्दा झन्डै १४ करोड रुपैयाँ सेवा सुविधामा खर्च गरेको गढवा गाउपालिकाको ऋण मात्रै ४ करोड ३८ लाख ५५ हजार २६६ रुपैयाँ भएको देखिन्छ। गढवा गाउपालिकाले आ व

२०७७/०७८ का लागि भनी ५२ करोड १८ लाख २४ हजार बिनियोजन गरेको थियो भने खर्च ले बजेटको सिमा नाघेर ५६ करोड ५६ लाख ७९ हजार २६६ रुपैयाँ पुगेको छ। सेवा सुविधा खर्च तर्फको झन्डै १४ करोड बढी रकम मध्य डेढ करोड भन्दा बढी रकम गाउपालिका का पदाधिकारी हरुले पारीश्रमिक र विभिन्न सेवा का नाममा बुझी लगेको पाइएको छ।

हामी हरु लाई त थाहा नै थिएन हजुरले भने पछी थाहा भयो कि गाउपालिकामा यति ठूलो रकम सेवा सुविधामा खर्च भएको रही छ नेकपा माओवादी केन्द्रका गढवा इन्चार्ज यमनारायण पोख्रेल ले राप्ती पहिचान सङ्गको कुराकानीमा बताए।

पोहोर साल पनि यस्तै भएको थियो, बिकास खर्च भन्दा सेवा सुविधा तर्फ अत्यधिक पैसा खर्च भए पछीको विवादले सेवा सुविधा खर्च घटाउन लगाएका थियौँ अहिले पनि यति धेरै रकम सेवा सुविधा मै खर्च गरेछन पोख्रेल ले अगाडि भने। जनता लाई गाउँ गाउँ को

सिंहदरवार बाट सेवा दिनका लागि नेपालको संविधान २०७२ ले अधिकार प्रदान गरे पछी स्थापित भएको स्थानिय सरकार वा बिकासे अडडा गढवा गाउपालिका मा बिकास खर्च भन्दा सेवा सुविधामा बढी रकम खर्च हुनुले गढवा गाउपालिकामा २०७४ सालमा चुनाव जितेर

आएका नेकपा एमाले उमेदवार अध्यक्ष सहजराम अहिर उपाध्यक्ष शान्ती चौधरी, ५ वडा अध्यक्ष र जनक्रान्ती बाट स्थापित भइ हाल गढवा गाउपालिका को ३ वटा वडामा चुनाव जितेका माओवादीका उमेदवार लाई गिज्याइ रहेको छ।