ब्यबश्थित वधशाला मा ४० मासु पसल, बजारमा जथाभावी खोलिएका ६१ मासु पसल!

रमा बुढा मगर -== बन्छ त स्मार्ट सिटी?!

तुलसिपुर चैत १९, दाङ्गको तुलसिपुर बजार क्षेत्रमा २०५७ साल पुस महिना सम्म मासु ब्यबशाय गर्ने हरु छरिएर तुलसिपुरको बजार क्षेत्र बाट मासु व्यापार गरि रहेका थिए! यसरी छरिएर मासु पसल संचालन गर्दा बजारमा दुर्गन्ध फैलिने र बजार लाई कुरुप बनाउने भन्ने निष्कर्षमा पुगेको तत्कालिन तुलसिपुर नगरपालिका ले

तुलसिपुर बजार सङ्ग सटेको पातुखोला किनारमा ब्यबश्थित वधशाला निर्माण गरि छरिएर रहेका त्यति बेला का सबै मासु ब्यबशायी हरुलाइ उक्त क्षेत्रमा बसेर मासु ब्यबशाय गर्न भनेको थियो! पुर्व हात्तीखवा चोक पश्चिम पातुखोला, उत्तर गोदाम घर, दक्षिण गुम्राह चोक सिमाना निर्धारण गरि यति चारकिल्ला भित्र मासु पसल

खोल्न नपाइने निर्णय गर्दै तत्कालिन नपा ले मासु ब्यबशायी हरु लाई नपा ले तोकेको स्थान बाट मात्रै मासु ब्यबशाय गर्न उर्दी जारी गरेको थियो! तत्कालिन मेयर ढुन्डिराज लामिछाने ले २०५७ साल पुस २७ गते उदघाटन गरि ब्यबश्थित वधशाला मासु ब्यबशायी

हरुलाइ हस्तान्तरण गरेको तुलसिपुरको मासु मार्केटमा हाल राँगाको मासु बेच्ने स्टल ६ वटा, खसीको मासु बेच्ने स्टल ८ वटा, बाख्रीको मासु बेच्ने स्टल ६ वटा कुखुरा को मासु बेच्ने फ्रेस हाउस १४ वटा र बंगुरको मासु बेच्ने स्टल ६ वटा गरि जम्मा ४० स्टल छन भने यता वधशाला

बाहिर तत्कालिन तुलसिपुर नपा ले मासु पसल खोल्न नपाइने भनी तोकेको बजार क्षेत्र भरी ६१ वटा मासु पसल संचालनमा रहेको पाइएको छ! नयाँ खोलिएका ६१ वटा मासु पसल मध्य ५६ वटा मासु पसल कहीँ कतै दर्ता नगरी संचालनमा आएको पाइएको छ भने ५ वटा मासु पसल तुलसिपुर उपमनपा को राजश्व शाखामा दर्ता

भएको पाइएको छ! तुलसिपुर बजारको मुख्य चोकमा मेरो मासु पसल थियो ब्यबश्थित वधशाला संचालनका नाममा मलाइ यहाँ पठाइयो तर अहिले नयाँ ब्यबशायी हरुलाइ तुलसिपुर बजारको जुन सुकै ठाँउमा पनी मासु पसल खोल्ने अनुमती तुलसिपुर उपमनपा ले दिदै छ, भने हामी हरु पनि अब तुलसिपुर बजारको मुख्य

चोकमा सटर लिएर मासु पसल संचालन गर्छौ तुलसिपुर मासु ब्यबशायी समिती का सचिव मनोज बुढाथोकी ले राप्ती पहिचान लाई बताए! तुलसिपुर क्षेत्र लाई स्मार्ट सिटीको रुपमा बिकास गर्ने उदघोष गरेका वर्तमान तुलसिपुर उपमनपा का मेयर घनश्याम पाण्डे तत समयमा तुलसिपुर नपा को उप मेयर थिए खासमा

तुलसिपुर बजार लाई सुन्दर र ब्यबश्थित बनाउने उनकै योजना अन्तर्गत हामी हरुलाइ यहाँ पठाइयो, तर अहिले उनै घनश्याम पाण्डे उपमनपा को मेयर हुँदा बजार भरी मासु पसल खोल्ने अनुमती दिई रहेका छन कसरी बनाउलान स्मार्ट सिटी मासु ब्यबशायी समिती का अध्यक्ष झग्गु चौधरी ले आक्रोश पोख्दै भने!

सबै खाले ब्यबशायी हरुलाइ करको दायरामा ल्याएर कर बाट उठेको रकम ले तुलसिपुर लाई स्मार्ट र स्माइल सिटी बनाउने कुरा गर्ने मेयर घनश्याम जी ले ५६ वटा मासु पसल खुलेआम संचालनमा आउदा पनी कुनै चासो नदिनुले उनको भनाइमा बिश्वास नलागेको कुरा अर्का मासु ब्यबशायी ले हामी लाई बताए! यसै संदर्भमा

राप्ती पहिचान ले मेयर घनश्याम पाण्डे सङ्ग धारणा माग्दा पुरानो निर्णय लागू गराउन सकिन्न, देशको संविधान नै परिवर्तन भइ सकेको अबश्थामा नपा ले २०५७ सालमा मासु ब्यबशाय का लागी तोकिएको चारकिल्ला लाई हालको उपमनपा ले आधार मान्न

सक्दैन उनले भने! बजार भरी खुलेका मासु पसल बाट फोहोर पनि निस्कने भएका ले तपाइले तुलसिपुर लाई कसरी स्मार्ट सिटी बनाउनु हुन्छ भन्ने हाम्रो प्रश्नमा आफुले थप कुरा नगर्ने बताए! यसरी बजार भरी खोलिएका मासु पसल हरु मध्य केही त ढ्याब्ली बाट समेत संचालनमा आएको पाइएको छ भने दर्ता नै नगरी संचालनमा आएका हुनाले राजश्व समेत छलिएको देखिन्छ!