देउखुरी, १९ माघ । दाङको राजपुर गाउँपालिका कार्यपालिका सदस्यहरूले आफुहरूको माग गाउँपालिकाले सम्बोधन नगरेको भन्दै गाउँपालिकामा धर्ना दिएका छन् । राजपुर गाउँपालिका वडा नम्बर ६ का वडाध्यक्ष श्याम रोकाको नेतृत्वमा २१ जना कार्यपालिका सदस्यहरूले सोमबार गाउँपालिकामा तालाबन्दी गरि चर्काे विरोध यर्याली गर्दै गाउँपालिका अगाडि धर्ना दिएका हुन् । धर्ना दिदै कार्यपालिका सदस्यहरूले आफुहरूको माग तत्कालै समाधान गर्न माग गरेका हुन् । हाम्रो माग तत्कालै समाधान नभए भोलि मंगलबारदेखि गाउँपालिकामा विरोध र जुलुस निकाल्ने वडा नम्बर ६ का वडाध्यक्ष श्याम रोकाले जानकारी दिनुभयो ।
गाउँपालिकामा हामिले हाम्रो माग सहित चौधगते ज्ञापनपत्र बुझाएको थियौं तर, गाउँपालिकाले हाम्रो मागलाई व्यवस्ता गर्दै कुनै माग सम्बोधन नगरेको वडाध्यक्ष रोकाले बताउनुभयो । प्रतिनिधि मुलक गाउँपालिकामा धर्ना कार्यक्रमको आयोजना गरिएको छ । गाउँपालिका माग सम्बोधन नगरे विरोधको कार्यक्रम महिनौ दिन सम्म लम्ब्याउने वडाध्यक्ष रोकाले बताउनुभयो । घेराउ कार्यक्रममा स्थानीयबासीको पनि सहभागिता रहेको छ ।
©2023 Rapti Pahichan. All rights reserved.
