दाङ, १३ पुस । प्रतिनिधि सभा विघटनको बिरुद्धमा आज नेपाली कांग्रेसले १ सय ६५ वटै निर्वाचन क्षेत्रमा बिरोध प्रदर्शन गर्दैछ । कांग्रेसले सम्वन्धित प्रतिनिधि सभा निर्वाचन क्षेत्रबाट उठेका उम्मेदवारहरुलाई नै आआफ्नो निर्वाचन क्षेत्रमा हुने बिरोध कार्यक्रममा सहभागि हुन निर्देशन गरेको छ ।
कांग्रेसले दाङमा प्रतिनिधि सभा अन्तर्गतका तीन वटा निर्वाचन क्षेत्र अन्तगर्त तुलसीपुर, घोराही र लमहीमा विरोध कार्यक्रम गर्न लागेको जिल्ला सभापति कृतिबहादुर खड्काले जानकारी दिनुभयो । बिहान ११ बजेपछि तीन वटै निर्वाचन क्षेत्रमा विरोध प्रदर्शन हुने उहाँले बताउनुभयो ।
विरोध सभालाई विभिन्न नेताहरुले संवोधन गर्ने कार्यक्रम रहेको सभापति खड्काले जानकारी दिनुभयो । पुस ५ गते प्रधानमन्त्री केपि शर्मा वलीले संसद विघटनको प्रस्तावमा राष्ट्रपति विद्यादेवी भण्डारीले स्विकृत गरिएपछि पछिल्लो समय संसद पुर्नस्थापनका लागि विरोध प्रदर्शन हुने गरेका छन् ।
संसद विघटनको विरोधमा आज प्रमुख प्रतिपक्षि दल नेपाली कांग्रेसलले प्रतिनिधि सभाको १६५ वटै निर्वाचन क्षेत्रमा विरोध प्रदर्शन गर्न लागेको हो ।
©2023 Rapti Pahichan. All rights reserved.
