तुलसीपुर ५ को वडा कार्यालय र सम्पूर्ण विद्यालय आजदेखि बन्द।

तुलसीपुर, २४ कात्तिक।  तुलसीपुर उपमहानगरपालिका -५ अन्र्तगत पर्ने सम्पुर्ण विद्यालय बन्द गर्न वडा अध्यक्ष विरेन्द्र शाहले आग्रह गरेका छन् ।आईतवार वडा शाहको अध्यक्षतामा बसेको बैठकले कोरोना संक्रमणको जोखिमलाई मध्यनजर गर्दै वडा कार्यालयबाट प्रदान गरिने नियमित सेवा र वडाका सम्पुर्ण शैक्षिक संस्थाहरु बन्द गर्ने निर्णय गरेको हो ।

वडामा संक्रमणको दर बढ्दो र वडा कार्यालयबाट सेवा लिएका सेवाग्राहीको समेत कोरोना संक्रमणकै कारण मृत्यु भएकाले सोमबार देखी शुक्रवार सम्म कार्यालयको नियमित सेवा र विद्यालय बन्द गर्ने निर्णय गरिएको वडा अध्यक्ष शाहले बताए । वडा कार्यालयबाट प्रदान गरिने आकस्मिक सेवा बाहेक अन्य सबै सेवा बन्द हुने बताइएको छ । पछिल्लो समय वडामा कोरोना माहामारी बढ्दो क्रममा रहेको भन्दै कन्ट्रयाक्ट टे«सिंङ र कार्यालयको निर्मलीकरण गर्ने निर्णय समेत गरिएको छ ।