दाङमा कोरोनाबाट मृत्यु हुनेको संख्या १९ पुग्यो।

तुलसीपुर, २३ कात्तिक । दाङमा कोरोनाबाट मृत्यु हुनेको संख्या १९ पुगेको छ । शनिबार तुलसीपुरका २ जना संक्रमितको मृत्यु भएसंगै मृत्यु हुनेको संख्या १९ पुगेको हो । साथै दाङमा अहिले ४४९ सक्रिय संक्रमित छन् । स्वास्थ्य कार्यालय दाङका कोरोना फोकल पर्सन कमल चन्दका अनुसार सक्रिय संक्रमित मध्ये तीन सय ८१ जना होम आईसोलेसनमा बसेका छन्, भने ६८ जना संस्थागत आईशोलेसनमा रहेका छन् । हाल सम्म जिल्लामा २ हजार ४४९ जनामा कोरोना पुष्टि भएकोमा १ हजार नौसय ८१ जना कोरोना मुक्त भएका छन् ।