सुमो दुर्घटना हुँदा ३ जनाको मृत्यु/

हेटौंडा–कुलेखानी–काठमाण्डौं सडक मार्ग अन्तर्गत भीमफेदी गाउँपालिका ६ मा आइतबार दिउँसो यात्रुबाहक जीप ९टाटा सुमो० दुर्घटना हुँदा ३ जनाको मृत्यु भएको छ। हेटौंडाबाट काठमाडौं जाँदै गरेको ना १ ज ४१०६ नम्बरको सुमो सडकबाट करीब १ सय मिटर तल खोल्सामा खस्दा उनीहरुको मृत्यु भएको जिल्ला प्रहरी कार्यालय मकवानपुरले जनाएको छ।

२ जनाको घटनास्थलमा नै र झापाको जोरपानी–७ की २५ वर्षीया देवीकुमारी गिरीको उपचार क्रममा हेटौंडा अस्पतालमा मृत्यु भएको मकवानपुर प्रहरी प्रवक्ता डिएसपी इन्द्रबहादुर रानाले बताउनुभयो। मृतक २ जना पुरुषको सनाखत हुन बाँकी रहेको उहाँले जानकारी दिनुभयो।

घाइतेहरु रौतहटको रंगपुरका २९ वर्षीय सुजनकुमार काफ्लेको हेटौंडा अस्पताल र सुमो चालक भीमफेदी गाउँपालिका–४ का २९ वर्षीय विष्णु मगर, मकवानपुरगढी गाउँपालिका–४ का २७ वर्षीय सोमबहादुर गुरुङ र हेटौंडा–३, बसामाडीकी ३० वर्षीया शर्मिला थिङको चुरेहिल हस्पिटलमा उपचार भइरहेको मकवानपुर प्रहरीले जनाएको छ। टर्निङ नपुगेर ब्याक गर्दा सुमो दुर्घटना भएको हुनसक्ने मकवानपुर प्रहरीको अनुमान छ। अन्नपूर्णपोष्टबाट ।