असोज १४, सल्यान । सल्यान शारदा नगरपालिका – १३ का वडाध्यक्ष तुल्सीराम रावत केहि दिनदेखी परीवारको सम्पर्क विहिन भएको घटनालाई आफ्नो पार्टीसँग जोडेर हल्ला फिजाईएको भन्दै विप्लव नेत्रृत्वको नेपाल कम्युनिष्ट पार्टी सल्यानले घटनाप्रति गम्भीर ध्याणकर्षण भएको जनाएको छ ।
मंगलवार सेक्रेटरी तुफान द्धारा एक प्रेस विज्ञप्ती जारी गर्दै पार्टीले वडाध्यक्ष रावत असोज ११ गतेदेखी वेपत्ता भएको खवर सुनिएको र घटनालाई नेपाल कम्युनिष्ट पार्टी सँग जोडेर हल्ला फिजाईएकोले भन्दै त्यस्ता निरर्थक हल्लाको पछि नलाग्न र प्रहरी प्रशासनलाई उत्तेजित नहुन अनुरोध गरेको हो ।
‘महान तथा गौरवशाली पार्टी नेपाल कम्युनिष्ट पार्टी यतिवेला नागरिकको जनजिवन र कोभिड १९ को सन्त्रासलाई ख्याल गर्दै सल्यान जिल्ला भित्र सवै किसमका संघर्षका कार्यक्रक तथा गतिविधि स्थगन गरेको कुरा सवैलाई सर्वविदितै होला ।’ विज्ञप्तीमा लेखिएको छ – ‘यसै सन्दर्भमा यहि मिति २०७७-०६ -११ गते देखी शारदा नगरपालिका अन्तरगत वडा न. १३ का वडाध्यक्ष तुल्सीराम रावत बेपत्ता भएको खवर सुन्नमा आएको र सो घटनाको आरोप नेपाल कम्यनिष्ट पार्टीलाई लगाएको बाह्य हल्ला फिजाएको हुदा यस निरर्थक हल्ला पछि नलाग्न र प्रहरी प्रशासनलाई उत्तेजित नहुन यसै बिज्ञप्ती मार्फत अनुरोध गर्दछौं ।’
राजनितिक बदनियत गर्ने उदेश्य सहित गरेको उक्त घटनाको सत्यतथ्य छानविन गर्न पनि पार्टीले माग गरेको छ । रावत असोज ११ गते घरबाट सदरमुकाम खलंगा जान्छु भनेर गएको र त्यसपछिबाट परिवारको सम्पर्कमा नरहेको पारिवारिक स्रोतले बताएको थियो ।
बिज्ञप्ती :
©2023 Rapti Pahichan. All rights reserved.
