अख्तियारको केन्द्रीय कार्यालयका १५ जनामा कोरोनाभाइरस संक्रमण पुष्टि

२० साउन ,कोहलपुर बाँके।

अख्तियार दुरूपयोग अनुसन्धान आयोगको केन्द्रीय कार्यालय टंगालमा  कार्यरत १५ जनामा कोरोना भाइरसको संक्रमण पुष्टि भएको छ।

आयोगका जनसम्पर्क तथा सञ्चार विज्ञ शरद अधिकारीका अनुसार १ सय ८० जनाको स्वाब परीक्षण गर्दा १५ जनामा कोरोना संक्रमण पुष्टि भएको हो।अधिकारीका अनुसार प्रहरी प्रधान कार्यालयबाट काजमा आयोग आएका एक जना सईलाई ज्वरो आएको थियो।परीक्षण गर्दा गत बिहीबार उहाँमा कोरोना संक्रमण पुष्टि भयो।

प्रहरीमा कोरोना देखिएपछि आइतबार बिहान कार्यालयमै प्रमुख आयुक्त नवीन घिमिरेसहितको स्वाब संकलन गरिएको थियो। पछिल्लो समय प्रहरी प्रधान कार्यालयमा ७२ जनालाई कोरोना संक्रमण पुष्टि भएको थियो।