‘प्रेम गीत ३’ को रिलिज आगामी चैत्रमा

काठमाडौं,जेठ ३० ।

‘प्रेम गीत ३’ गतबर्ष अर्थात २०७६ को प्रतिक्षित फिल्म मध्येको एक हो । गतचैत्र २८ मा सार्वजनिक प्रदर्शनको तरखरमा रहेको यो फिल्म कोरोनाको त्रासमा नेपाल सरकारले गरेको लकडाउनका कारण सो मितिमा रिलिज हुन भने सकेन । अब यो फिल्म १० महिनापछि अर्थात यसै वर्षको अन्तिम महिना चैत्रमा रिलिज हुने भएको छ ।

निर्माता निर्देशक सन्तोष सेनले ‘प्रेम गीत ३’ आगामी चैत्रमा रिलिज गर्ने सोच रहेको बताए । ‘फिल्मको एक महिना जतिको पोष्टप्रोडक्सन काम छ । अब केही दिनमा काम सुरु हुन्छ गर्छाै’ सेनले भने, ‘फिल्म रिलिज अगामी चैत्रमा गर्ने योजना छ ।’ कोरोनाको कहर सामान्य भएर आगामी दशंैसम्म फिल्म रिलिज हुने बातावरण बन्ने अनुमान गरेका सेनले थपे– ‘फिल्मको रिलिज दशैंमा पनि गर्न सक्थे ।

प्रदीप खड्का, क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, प्रम पुरी, लक्ष्मी  वर्देवा लगायतको अभिनय रहेको फिल्ममा सेन र छेतेन गुरुङको संयुक्त निर्देशन रहेको छ ।  आशुसेन फिल्मस् प्रोडक्सनको प्रस्तुति रहेको फिल्ममा कल्याण सिंह, एलिस कार्कीको संगीत, हिमाल केसीको द्धन्द्ध, कविराज गहतराजको नृत्य तथा बनिश शाह र भुपेन्द्र अधिकारीको सम्पादन रहनेछ ।