राजपुर गा पा मा बिकास खर्च १४ करोड, सेवा सुविधा खर्च झन्डै २३ करोड।

अर्जुन बुढा मगर–====

दाङ्ग २८ साउन २०७८, दाङ्गको राजपुर गाउपालिका मा आ व २०७७/०७८ मा बिकास खर्च तर्फ १४ करोड ४४ लाख ७८ हजार ६३१ रुपैयाँ खर्च गरेको छ भने सेवा सुविधा खर्च तर्फ भने २२ करोड ७५ लाख ८ हजार ६५ रुपैयाँ खर्च गरेको पाइएको छ। गाउपालिका को चालू

खर्च र पुजीगत खर्च विवरणमा यस्तो उल्लेख भएको छ। अचम्म विकट र कहाली लाग्दो पालिका मध्य एक हो राजपुर गाउपालिका। गाउपालिका को ७ वटा वडा मध्य २ नं वडा बाहेक ६ वडा हरुमा गाउपालिकाको मात्रै हैन राज्यको समेत उपश्थिती छैन।

वडा नं ७ को सुनपत्री, पाली,करुवा,डगमारा नाका,भैसाही नाका,गंधैला,छेक्रीया र वडा नं ६ को कल्यानपुर गौरिया,गंगदीखोला,पिपला,खाङ्रानाका गौरिया नाका मा न मोटर बाटो छ,, न खानेपानी छ,, न बिद्युत छ,, न मोबाइल नेटवर्क छ,,न स्वाश्थ्य चौकी छ राज्य ले दिनु पर्ने न्युनतम सुविधा समेत केही छैन।

राज्यको नजर बाट ओझेल पारिएको नाकै नाका रहेको राजपुर गाउपालिकामा २०७४ सालको स्थानिय निर्वाचनमा नेपाली काँग्रेस का उमेदवार लोकराज केसी ले गाउपालिका अध्यक्ष र उपाध्यक्षमा धनपती यादवले चुनाव जितेका छन। गाउपालिका का जनता हरु लाई न्युनतम सेवा सुविधा समेत दिन नसकेको राजपुर

गाउपालिका ले आ, व २०७७/०७८ मात्रै बिकास खर्च भन्दा ८ करोड ३० लाख २९ हजार ४३३ रुपैयाँ ८८ पैसा बढी रकम सेवा सुविधामा खर्च गरेको छ। त्यस्तै गाउपालिका को ५,४,३ र १ नं वडा का महती खोला, कोरियाखोला,हतेवा, मुङ्ग्रेठाखोला,रोहिनियागाउ,

खोलसाटोल,करङ्गाखोला, भैसहवा भौरीसालका बस्ती हरुमा गाउपालिका ले बाटो,बिद्युत, खानेपानी,स्वाश्थ्य चौकी लगायत कुनै पनि खालको बिकास गर्न सकेको छैन भने ५ नं वडाको पुर्व पश्चिम हाइवे भन्दा ३०० मिटर भित्र रहेको जंग्रहवाको करवला बस्तीमा समेत बिद्युत बिस्तार गर्न सकेको छैन।

यी क्षेत्रहरुमा सामान्य ज्वरो आउदा खाने सिटामोल ट्याबलेट समेत पाइदैन भने प्रसुती गृह नहुदा बर्सेनि सुत्केरी आमा हरुले अकालमै ज्यान गुमाउन वाध्य छन भने दुर आफन्त हरुलाइ सम्पर्क गर्न मोबाइल नेटवर्क समेत छैन। गाउपालिका भरी कहाली लाग्दो अवश्था छ

तर गाउपालिका ले भने कर्मचारी र पदाधिकारी लाई सुविधा दिन २०७६ सालमा मात्रै ७ वटा १२० देखि १२५ सि सि का मोटरसाइकल खरीद गरेर बाँडेको देखिन्छ।

सेवा सुविधा खर्च तर्फको २२ करोड ७५ लाख ८ हजार ६५ रुपैया मध्य १ करोड बढी रकम पदाधिकारी हरुले मात्रै पारिश्रमिक, वैठक भत्ता र अन्य सेवा सुविधा का नाममा बुझी लगेको कुरा नाम नबताउने सर्तमा एक कर्मचारी ले राप्ती पहिचान लाई बताए।

यो गाउपालिका कार्यालय भए पनि चुनाव जितेर आएका काँग्रेस का कार्यकर्ताले यसलाइ काँग्रेस पार्टी कार्यालय जस्तै गरि संचालन गरि रहेका छन नेकपा माओवादी केन्द्रका राजपुर पालिका अध्यक्ष चक्र बहादुर खड्काले प्रतिकृया दिदै भने। जनता रोग र भोकले मरी रा छ तर अध्यक्ष ज्यु पौने करोडको गाडिमा हुइकन्छन खडकाले अगाडी भने।

नाका का जनता हरु अचम्म बिचल्लीमा छन तर चुनाव जितेर आएका नेपाली काँग्रेसका कार्यकर्ता हरु गाउपालिका बाट आफ्नै सेवा सुविधा बढाइ बढाइ लिने काममा तल्लिन छन खडका ले फेरि भने। भौवा देखि गुरुङनाका सम्म २२ वटा नाका छन भने ३० भन्दा बढी

बस्ती हरु छन ती वस्ती हरु अहिले पनि ४ वर्ष अघीकै अवश्थामा छन। ती बस्ती हरुमा बाटो बिद्युत खानेपानी संचार र सुरक्षाको कतै ब्यबश्था हुन सकेको देखिएन। स्वायत्त भइ आएको स्थानिय सरकारले पनि ती बस्ती हरुमा आफ्नो उपश्थिती देखाउन सकेको रहेन छ।

भौवा देखि गुरुङ नाका सम्मको स्थलगत रिपोर्टिङ पछी अर्जुण बुढा मगरको कलम ले जस्तो देख्यो त्यस्तै लेख्यो।