वीर बहादुर बि क, पश्चिम दाङ समाचारदाता।
दाङ्ग २० साउन २०७८, दाङ्ग को एउटा गाउपालिकामा बिकास खर्च भन्दा सेवा सुविधा खर्च अत्यधिक बढी भएको पाइएको छ। दाङ्ग जिल्लाको शान्तिनगर गाउपालिकामा यस्तो खर्च भएको पाइएको हो। शान्तिनगर गाउपालिकाको आ व २०७७/०७८ को चालू खर्च( सेवा सुविधा) खर्च र पुजिगत खर्च( बिकास खर्च)
को बिबरण मा यस्तो पाइएको हो। आ व २०७७/०७८ को ४३ करोड ५४ लाख ९६ हजार ६०० रुपैयाँ बजेट मध्य १६ करोड ४६ लाख बिकास निर्माणमा खर्च गरेको गाउपालिका ले त्यसको झन्डै दोब्बर २७ करोड ८ लाख ९६ हजार ६०० रुपैयाँ सेवा सुविधामा खर्च गरेको छ।गाउपालिका को खर्च बिबरण अनुसार बिकास खर्च भन्दा १० करोड ६२ लाख ९६ हजार ६०० रुपैया सेवा सुविधा तर्फ बढी खर्च गरेको पाइएको छ।
गाउपालिका को खर्च संकेत नं २१११२ बाट ७६ लाख १४ हजार र खर्च संकेत नं २११३२ बाट २३ लाख २६ हजार ३५ रुपैया गरि ९९ लाख ४० हजार ३५ रुपैयाँ जनप्रतिनिधिले बुझी लगेको देखिन्छ भने महंगी भत्ता मात्रै ७ लाख ८० हजार भुक्तानी भइ गएको पाइएको छ।
त्यसै गरि खर्च संकेत नं २२२१२ बाट एक वर्षमा १५ लाख ६८ हजार ६६१ रुपैयाँको डिजल पेट्रोल खरिद गरिएको देखाइएको छ भने कार्यक्रम खर्च तर्फ भनी हिसाब संकेत नं २२५२२ बाट एकै चोटि ९ करोड ९६ लाख ४० हजार ६११ रुपैयाँ निकासा भइ गएको देखाइएको छ। गाउपालिका को सेवा सुविधा तर्फको खर्च हेर्दा पालिका भित्र बिकास निर्माण गर्न भन्दा पनि कर्मचारी र पदाधिकारी हरु आफ्नो सेवा सुविधा तर्फ बढी केन्द्रीत भएको पाइएको छ।
ओ हो,, २७ करोड सेवा सुविधामा खर्च गरेछन शान्तिनगर १ हारीचारका मान बहादुर खत्रीले झसङ्ग हुँदै राप्ती पहिचान लाई भने। शान्तिनगर गाउपालिका को ३ नं वडा को बिकट गाउँ बल्लेली, तोरीखुटी,अधिकारी भन्ने ठाँउमा अझै सम्म मोटर बाटो पुगेको छैन भने गाउपालिकाको वडा नं १ को पेदिखोला, बान्द्रेखोला,
बाँजबिसौना र ३ नं वडाको बस्तीखोला, सुकेकोट र बाघखोर क्षेत्रका वासिन्दा संचार सेवा बाट समेत वञ्चित रहदै आएका छन। यस्तै गाउपालिका को १ नं वडाकै बाँझबिसौना बान्द्रेखोला तिनुखाराका वासिन्दा हरु बिरामी भएमा सिटामोल पाउन ४ घन्टा हिडेर वा डोकोमा बोकेर स्वाश्थ्य चौकीमा उपचार गर्न ल्याउने गर्दछन। बिकास
खर्च भन्दा १० करोड ६२ लाख ९६ हजार ६०० रुपैया बढी रकम सेवा सुविधामा खर्च गरेको शान्तिनगर गाउपालिका ले पेदिखोला, हारिचार,हल्दे,सालघारी,तिनुखारा,बान्द्रेखोला र बाँखबिसौना का गाउँ बस्ती हरुमा बिद्युत बिस्तार गर्न सकेको छैन भने ३ नं वडाको
बस्तिखोला,सुकेकोट,बाघखोर,केराघारी र लालपुर का बस्ति हरु पनि अन्धकार छन।बिकास खर्च भन्दा सेवा सुविधा मा बढी बजेट खर्च गरेको गाउपालिका को २ नं वडाको चापिकोट र ४ नं वडाको न्यु रोड दलित बस्तीमा समेत बिद्युत बिस्तार हुन सकेको छैन। हाम्रो गाउमा बाटो छैन बिजुली छैन खानेपानी छैन मोबाइल नेटवर्क छैन तर
गाउपालिका ले यति धेरै रकम आफ्नै सेवा सुविधामा खर्च गरे छ अचम्म लाग्यो वडा नं १ का रेमन्त बिक ले हामी सङ्ग भने। जे होस बिकास, परिवर्तन र सिंहदरवार सम्म जनता को सहज पहुच का लागि आएको गाउँ गाउको सिंहदरवारमा खान जानेका सिंह मात्रै आएछन केराघारीका झक्कु वि क ले ब्यंग्य गर्दै राप्ती पहिचान लाई बताए। २०७४ सालको स्थानिय तहको निर्वाचनमा शान्तिनगर गाउपालिकामा नेपाली काङ्ग्रेसका उमेदवार कमानसिङ डाङ्गी ले गाउपालिका अध्यक्ष पदमा चुनाव जितेका हुन।
साउन ११ र १२ गते शान्तिनगर गाउपालिका का बिकट बस्ती सम्म पुगेर संकलन गरिएको रिपोर्टिङ्ले बस्तीखोला पेदीखोला हल्दे तिनुखारा केराघारी बान्द्रेखोला बाँजबिसौना लालपुर चापिकोट जस्ता बिकट बस्तिले बिकास र शान्तिनगर गाउपालिका का अध्यक्ष कमानसिङ डाङ्गी लाई पर्खी रहेका छन भन्ने प्रस्ट्याएको छ भने जनताको सेवा गर्न आएका हौँ भन्ने जनप्रतिनिधी लाई गिज्याउन पनि थालेका छन
©2023 Rapti Pahichan. All rights reserved.
