रमा बुढा मगर-===
काठमाण्डौ ७ साउन २०७८, नविकरण नगरेकै कारण अब देखि कुनै पनि अनलाइन सञ्चारमाध्यमको दर्ता खारेज नहुने भएको छ। यस अघि सुचना तथा प्रसारण बिभाग को अनलाइन सञ्चारमध्यम सञ्चालन निर्देशिका २०७३ अनुसार दर्ता गर्ने र बिभागले तोकेको समय अवधी भित्र अनिवार्य नविकरण गर्ने, नगरेको पाइएमा सम्बन्धित अनलाइन सञ्चार गृहको दर्ता खारेज हुने ब्यबश्था थियो।
निर्देशिका को परिच्छेद ३ दफा ६ को उपदफा ३ मा म्याद भित्र नविकरण नगराउने अनलाइन सञ्चारमाध्यमको सेवा प्रचलित कानुन बमोजिम रोक लगाउन सकिने छ भनी उल्लेख भएकोमा सो बिरुद्द सर्वोच्चमा रिट परेको थियो। यसै सम्बन्धमा सर्वोच्च अदालतले २०७७/१२/३१ गते सुनुवाइ गर्दै उक्त ब्यबश्था खारेज गर्न फैशला गरेको थियो।
सर्वोच्चको फैशला पश्चात् यस अघि नविकरण नगरेका अनलाइन सञ्चारमाध्यमको दर्ता खारेज नगरिने कुरा बिभागका प्रवक्ता भरत गौतमले राप्ती पहिचान लाई बताए।बिगत आ व मा नविकरण गर्न बाट छुट भएका अनलाइन सञ्चारमाध्यमको दर्ता यस बिभागमा रहेको
दर्ता किताव बाट खारेज हुदैन गौतम ले भने।नविकरण नगरेकै आधारमा अनलाइन सञ्चारमध्यम सञ्चालनमा रोक नलागाइने ब्यहोराको सुचना साउन ४ गते बिभाग बाट जारी भइ सकेको छ उनले अगाडि भने। यसो हुदैमा अनलाइन सञ्चारमध्यम हरुले नविकरण नगर्ने भनेको होइन, नविकरण गर्नै पर्छ दर्ता मात्रै खारेज नहुने भनेको हो गौतम ले फेरि भने।
तर यस अघि नविकरण हुँदै आएका अनलाइन सञ्चारमाध्यमको हकमा भने पुर्ववत रुपमा नविकरण कार्य जारी रहने र नियमित रुपमा नविकरण नगराउने अनलाइन सञ्चारमाध्यममा काम गर्ने सञ्चारकर्मी लाई प्रेस प्रतिनिधि प्रमाण पत्र जारी नगर्ने कुरा बिभागले जारी गरेको सुचनामा उल्लेख गरिएको छ।
©2023 Rapti Pahichan. All rights reserved.
