तुलसीपुरमा सवारी दुर्घटना ४ जना घाइते।

तुलसीपुर, २२ मसिंर ।तुलसीपुरमा पिकअपले स्कुटीलाई ठक्कर दिदा एक महिला घाइते भएकी छन् । बवा गाँउ बाट बाहिनीचोक तर्फ आउदै गरेको रा १ च ६१४ नम्बरको पिकअपले गुम्राहचोक बाट विरेन्द्र चोक तर्फ आउदै गरेको रा ३ प ६१४३ नम्बरको स्कुटिलाई सोमबार बिहान ९ः३० बजे ठक्कर दिदा वडा नम्बर ६ डुम्री गाउ बस्ने स्कुटि चालक वर्ष ३५ की शान्ता जि.सि बस्नेत घाइते भएको प्रहरीले बताएको छ । उनको राप्ती प्रादेशिक अस्पताल तुलसीपुरमा उपचार भईरहेको र अवस्था सामान्य रहेको प्रहरीले बताएको छ ।पिकअप प्रहरीको नियन्त्रणमा रहेको छ । पिकअप  चालक भने फरार रहेको प्रहरीले बताएको छ ।

यस्तै रक्षाचौरबाट तुलसीपुर तर्फ आउदै गरेको लु ६७ प २२९२ नम्बरको मोटरसाइकल र विपरित दिशाबाट जादै गरेको प्रदेश न. ३०२००७४०६ नम्बरको मोटरसाइकल एकआपसमा ठोकिदा ३ जना घाइते भएका छन् । रक्षाचौरबाट तुलसीपुर तर्फ आउदै गरेको रा १ ह २४१९ नम्बरको अटोमा ठोकिन जादा अटोमा सवार १ जना र मोटरसाइकलमा सवार २ जना घाइते भएका छन् । घाइते हुनेमा वडा नम्बर ३ रानागाँउ बस्ने वर्ष २० का दिनेस बोहोरा, वडा नम्बर ७ शिवनगर बस्ने वर्ष २४ का सगिंत शाह र  वडा नम्बर ३ परेखोला निवासी वर्ष ४० की गौमती बुढा घाइते भएको प्रहरीले बताएको छ । उनिहरु सबैको राप्ती प्रादेशिक अस्पताल तुलसीपुरमा उपचार भईरशेको प्रहरीले बताएको छ । घटनाबारे थप अनुसन्धान भइरहेको प्रहरीले बताएको छ ।