कोरोनाबाट मृत्यु हुनेको संख्या ११ लाख ११ हजार पुग्यो।

काठमाडौं । विश्वभर कोरोनाका कारण ज्यान गुमाउनको संख्या ११ लाख ११ हजार नाघेको छ । विश्व स्वास्थ्य संगठनको पछिल्लो तथ्यांक अनुसार हालसम्म विश्वमा कोरोनाका कारण मृत्यु हुनेको संख्या ११ लाख ११ हजार ९९८ पुगेको छ । 

पछिल्लो २४ घण्टामा ४ हजार ५५६ संक्रमितको मृत्यु भएको छ भने  ३ लाख ३८ हजार ९६ संक्रमित थपिएका छन् ।  हालसम्म विश्वमा कोरोना संक्रमितको संख्या ३ करोड ९९ लाख ४४ हजार ८८२ पुगेको विश्व स्वास्थ्य संगठनको तथ्यांकमा उल्लेख   छ ।